لاہور: نیو ایئر نائٹ کے موقع پر لاہور سٹی ٹریفک پولیس نے شہر بھر میں فول پروف انتظامات مکمل کر لیے ہیں۔ چیف ٹریفک آفیسر (سی ٹی او) ڈاکٹر اطہر وحید کی ہدایات کے مطابق، اہم شاہراہوں اور داخلی و خارجی راستوں پر اضافی نفری تعینات کی گئی ہے تاکہ ٹریفک کی روانی کو یقینی بنایا جا سکے اور کسی ناخوشگوار حادثے سے بچا جا سکے۔
20 ڈی ایس پیز اور 1400 سے زائد انسپکٹرز و ٹریفک وارڈنز پورے شہر میں تعینات کیے گئے ہیں۔
اہم مقامات میں اضافی نفری: آزادی فلائی اوور، لبرٹی چوک، ڈیفنس مین بلیوارڈ، مال روڈ، جیل روڈ، کینال روڈ، اور مین بلیوارڈ گلبرگ۔
ٹریفک رسپانس یونٹ کو رانگ پارکنگ کے خاتمے کے لیے الرٹ رکھا گیا ہے۔
روڈ بلاک کرنے والوں، خطرناک ڈرائیونگ، ڈرفٹنگ، ون ویلنگ اور سٹنٹ کرنے والوں کے خلاف سخت قانونی کارروائی ہوگی۔
کارروائی میں سیف سٹی کیمروں کی مدد لی جائے گی۔
دفتری عملے کو بھی سڑکوں پر تعینات کر دیا گیا تاکہ نگرانی مزید مؤثر ہو۔
سی ٹی او کا پیغام:
ڈاکٹر اطہر وحید نے والدین سے اپیل کی ہے کہ وہ نیو ایئر نائٹ پر اپنے بچوں پر خاص نظر رکھیں اور کم عمر ڈرائیورز کی موٹر سائیکلیں فوری بند کروائی جائیں تاکہ کسی ناخوشگوار واقعے سے بچا جا سکے۔ انہوں نے واضح کیا کہ ٹریفک کے بہترین انتظامات کے ساتھ کسی بھی خلاف ورزی کو برداشت نہیں کیا جائے گا۔یہ انتظامات اس بات کو یقینی بنانے کے لیے کیے گئے ہیں کہ شہری محفوظ اور ہموار طریقے سے نئے سال کا جشن منا سکیں۔
