لاہور:صوبائی دارالحکومت لاہور میں آج صبح سے وقفے وقفے سے ہونے والی بارش نے شہر کا موسم خوشگوار کر دیا۔
کہیں ہلکی اور کہیں تیز بارش کے باعث گرمی اور حبس کا زور ٹوٹ گیا جبکہ شہریوں نے موسم کا بھرپور لطف اٹھایا۔
مختلف علاقوں میں بارش
لاہور کے کئی علاقوں میں بارش کا سلسلہ وقفے وقفے سے جاری رہا۔ مین ملتان روڈ، چوہنگ اور موہلنوال میں موسلا دھار بارش کے باعث سڑکوں پر پانی کھڑا ہو گیا جبکہ نشیبی علاقے بھی متاثر ہوئے۔
گھٹاؤں کا راج
صبح کے وقت سے ہی لاہور کے افق پر کالی گھٹائیں چھائی رہیں، جنہوں نے نہ صرف شہر کی فضا کو خوبصورت بنایا بلکہ ٹھنڈی ہواؤں نے موسم کو مزید دلکش بنا دیا۔
شہریوں کی خوشی
بارش کے بعد شہریوں نے گرمی سے نجات ملنے پر سکھ کا سانس لیا اور موسم سے لطف اندوز ہوتے رہے۔ بچوں اور نوجوانوں نے گلی محلوں میں کھیلوں کا مزہ لیا جبکہ تفریحی مقامات پر بھی رش بڑھ گیا۔
محکمہ موسمیات کی پیشگوئی
محکمہ موسمیات کے مطابق لاہور سمیت پنجاب کے مختلف شہروں میں بارش کا سلسلہ مزید جاری رہنے کا امکان ہے۔ ماہرین کے مطابق بارش سے درجہ حرارت میں کمی واقع ہوگی اور موسم آئندہ چند روز تک خوشگوار رہے گا۔
