اسلام آباد: وزیراعظم کی فوکل پرسن برائے انسداد پولیو عائشہ رضا فاروق نے اعلان کیا کہ 2 فروری سے ملک بھر میں پہلی قومی انسداد پولیو مہم کا آغاز کیا جا رہا ہے، جس میں ساڑھے چار کروڑ سے زائد بچوں کو پولیو کے قطرے پلانے کا ہدف مقرر کیا گیا ہے۔
پولیو ورکرز: تقریباً 4 لاکھ پولیو ورکرز گھر گھر جا کر بچوں کو قطرے پلائیں گے۔
نگرانی: وزیراعظم آفس کی جانب سے مہم کی مکمل نگرانی، اور تمام صوبوں کے چیف سیکرٹریز انسداد پولیو کے اجلاس کر رہے ہیں۔
چیلنجز: پولیو قطروں سے انکار کرنے والے خاندانوں کو قائل کرنا اور غلط معلومات کے پھیلاؤ سے نمٹنا وقت کی اہم ضرورت ہے۔
حالیہ صورتحال: سال 2025 میں پاکستان میں پولیو کے 31 کیسز رپورٹ ہوئے، جن میں سے 17 جنوبی خیبرپختونخوا سے، جبکہ کراچی اور لاہور میں وائرس کی مقدار میں کمی دیکھی گئی ہے۔
بلوچستان: گزشتہ 15 ماہ میں پولیو کا کوئی کیس سامنے نہیں آیا۔
فوکل پرسن نے زور دیا کہ میڈیا کا تعاون پولیو کے مکمل خاتمے کے لیے ناگزیر ہے، اور پاکستان کو جلد پولیو فری ملک بنانے کے لیے مہم کو کامیاب بنانا وقت کی اہم ضرورت ہے۔
