وزیراعظم محمد شہباز شریف نے سعودی عرب کے سابق گورنر اور مرحوم شہزادہ محمد بن فہد کے انتقال پر گہرے افسوس کا اظہار کیا۔
اپنے ٹویٹ میں وزیراعظم نے کہا کہ شہزادہ محمد بن فہد کے انتقال کی خبر سن کر دلی دکھ ہوا۔ انہوں نے کہا کہ شہزادہ محمد بن فہد مرحوم شاہ فہد بن عبدالعزیز کے صاحبزادے اور سعودی عرب کے مشرقی صوبہ کے سابق گورنر تھے، جنہوں نے اپنے ملک اور عوام کے لئے بے شمار شاندار خدمات انجام دیں، جنہیں ہمیشہ یاد رکھا جائے گا۔وزیراعظم نے پاکستانی عوام کی جانب سے سعودی عرب کے خادم حرمین شریفین شاہ سلمان بن عبدالعزیز آل سعود کے ساتھ اظہار تعزیت کیا اور ساتھ ہی سعودی ولی عہد شہزادہ محمد بن سلمان، شاہی خاندان کے ارکان اور سعودی عوام سے بھی تعزیت کا اظہار کیا۔ وزیراعظم نے اپنے پیغام میں دعا کی کہ اللہ تعالی مرحوم کے درجات بلند فرمائے اور ان کو جنت الفردوس میں اعلی مقام عطا کرے۔یہ واقعہ سعودی عرب کے لئے ایک بڑا سانحہ تھا اور وزیراعظم نے اس موقع پر سعودی عرب کے عوام اور شاہی خاندان کے ساتھ مکمل یکجہتی کا اظہار کیا۔
