وزیراعظم محمد شہباز شریف نے سینئر سیاستدان اور سابق وزیراعلیٰ پنجاب میاں منظور احمد وٹو کے انتقال پر گہرے دکھ اور افسوس کا اظہار کیا ہے۔
وزیراعظم نے مرحوم کی سیاسی و عوامی خدمات کو خراجِ تحسین پیش کرتے ہوئے کہا کہ میاں منظور وٹو نے مختلف ادوار میں ملک اور صوبے کی سیاست میں اہم کردار ادا کیا اور ان کی خدمات کو ہمیشہ یاد رکھا جائے گا۔وزیراعظم شہباز شریف نے مرحوم کے درجات کی بلندی اور جنت الفردوس میں اعلیٰ مقام کے لیے دعا کی، جبکہ سوگوار خاندان سے دلی تعزیت اور ہمدردی کا اظہار بھی کیا۔ انہوں نے کہا کہ اس دکھ کی گھڑی میں حکومت اور پوری قوم مرحوم کے اہل خانہ کے غم میں برابر کی شریک ہے۔
وزیراعظم کا کہنا تھا کہ میاں منظور احمد وٹو کی وفات سے ملکی سیاست میں ایک خلا پیدا ہوا ہے، جسے مدتوں یاد رکھا جائے گا۔ انہوں نے اللہ تعالیٰ سے دعا کی کہ مرحوم کے اہل خانہ کو اس ناقابلِ تلافی نقصان پر صبرِ جمیل عطا فرمائے۔
