پرتگالی فٹبال لیجنڈ کرسٹیانو رونالڈو نے مسلسل تیسری بار مشرقِ وسطیٰ بہترین فٹبالر آف دی ایئر کا اعزاز حاصل کر لیا ہے۔
یہ ایوارڈ دبئی میں منعقد ہونے والی گلوب سوکر ایوارڈز کی تقریب میں دیا گیا، جس میں رونالڈو نے کریم بنزیما، سالم الدوسری اور ریاض محرز جیسے نمایاں کھلاڑیوں کو پیچھے چھوڑا۔سال 2025 کے دوران رونالڈو نے تمام مقابلوں میں مجموعی طور پر 40 گول اسکور کیے، جو ان کی شاندار فارم اور مستقل کارکردگی کا واضح ثبوت ہیں۔ اس وقت وہ سعودی عرب کے معروف کلب النصر کے لیے کھیل رہے ہیں اور ان کا معاہدہ 2027 کے وسط تک جاری ہے۔
رونالڈو کی مسلسل کامیابی یہ ظاہر کرتی ہے کہ عمر کے 40 سال کے مرحلے میں بھی ان کی فٹنس، نظم و ضبط اور گول اسکور کرنے کی صلاحیت برقرار ہے، جو نہ صرف میدان میں بلکہ میدان سے باہر بھی نوجوان کھلاڑیوں کے لیے ایک مثال ہے۔واضح رہے کہ گلوب سوکر ایوارڈز عالمی سطح پر فٹبال میں غیر معمولی کامیابیوں کو سراہنے کے لیے دیے جاتے ہیں، اور رونالڈو کی مسلسل تیسری کامیابی اس بات کی عکاسی کرتی ہے کہ وہ عالمی فٹبال پر گہرا اثر رکھتے ہیں۔
