ڈاکو بے لگام ، لوٹ مار ، شہری پریشان

ہنجروال ، شادباغ سمیت کئی علاقوں میں لاکھوں کی نقدی،موبائل چھین لئے،موٹر سائیکلیں چوری
لاہور(کرائم رپورٹر)شہر میں چوری اور ڈکیتی کی وارداتوں کے دوران شہریوں سے لاکھوں روپے طلائی زیورات موبائل فون موٹر سائیکلوں اور گاڑیوں سمیت دیگر سامان لوٹ لیا گیا۔تفصیلات کے مطابق ہنجروال میں نسیم سے 5لاکھ روپے اور موبائل فون، شادباغ میں ندیم سے 4لاکھ 60ہزار روپے اور موبائل فون، گرین ٹا ئون میں خیام سے 4لاکھ25 ہزار روپے اور موبائل فون، لوئر مال میں شکیل سے 4لاکھ روپے موبائل فون،شاہدرہ کے علاقے میں جواد سے 30ہزار روپے اور موبائل فون، باغبانپورہ کے علاقے میں اختر سے 15 ہزار روپے اور موبائل فون چھین لیا گیا۔ڈیفنس سے خاور ، ٹا ئون شپ سے ماجد ، اسلام پورہ سے سلطان اور کاہنہ سے صداقت کی موٹرسائیکلیں چوری ہو گئیں۔