پاکستان اور جنوبی افریقا کے درمیان تین میچز پر مشتمل ٹی ٹوئنٹی سیریز کا آغاز آج سے راولپنڈی میں ہوگا۔
اس اہم سیریز کا پہلا میچ شام 8 بجے شروع ہوگا، اور یہ مقابلہ دونوں ٹیموں کے درمیان دلچسپ مقابلہ کی توقع ہے۔اس سیریز کا خاص پہلو یہ ہے کہ پاکستان ٹیم نے بریسٹ کینسر آگاہی مہم کے لیے خصوصی پنک جرسی پہن رکھی ہے۔ قومی کھلاڑیوں کے علاوہ، جنوبی افریقی ٹیم، امپائرز، عملہ، اور کمنٹیٹرز بھی پنک ربن پہن کر اس اہم مہم میں حصہ لیں گے۔ میچ میں استعمال ہونے والے اسٹامپس بھی گلابی رنگ کے ہوں گے، تاکہ اس مرض کے بارے میں شعور بیدار کیا جا سکے۔یہ اقدام صحت کے حوالے سے آگاہی پیدا کرنے اور بریسٹ کینسر کے خلاف آگاہی مہم کو فروغ دینے کے لیے کیا گیا ہے۔ میچ کی کوریج مقامی وقت کے مطابق رات 8 بجے شروع ہوگی، اور یہ سیریز دونوں ٹیموں کے لیے ایک اہم مقابلہ ہونے کے ساتھ ساتھ ایک سماجی پیغام بھی لے کر آئی ہے۔
