بولیویا میں کوپا بولیویا کے ایک اہم میچ کے بعد شدید ہنگامہ آرائی کا واقعہ پیش آیا جس میں پولیس کو آنسو گیس کا استعمال کرنا پڑا۔
یہ میچ بلومنگ اور ریئل اورورو کے درمیان کھیلا گیا، جو 2-2 کے اسکور پر ختم ہوا۔ اس نتیجے میں، بلومنگ کی ٹیم کو اسکور کی بنیاد پر کوارٹر فائنل میں رسائی حاصل ہوئی۔میچ کے ختم ہونے کے بعد ماحول کشیدہ ہو گیا اور معمولی تکرار ایک بڑے تصادم میں تبدیل ہو گئی۔ دونوں ٹیموں کے کھلاڑی، عملہ اور تماشائی شامل ہو گئے۔ رپورٹس کے مطابق، ریئل اورورو کے کھلاڑی سیباسٹین زیبالوس کو حریف ٹیم کے بعض افراد روکنے کی کوشش کرنے لگے، مگر وہ خود کو چھڑوانے میں کامیاب ہو گئے اور دیگر کھلاڑیوں کو دھکے دینے لگے۔ اس دوران، جولیو ویلا نے غصے میں آ کر مکّے برسائے، جس سے حالات مزید بگڑ گئے۔مزید برآں، ریئل اورورو کے کوچ مارسيلو روبلیدو بھی اس جھگڑے میں ملوث پائے گئے اور مبینہ طور پر ایک قومی ٹیم کے اسٹاف رکن سے تکرار کے دوران زمین پر گر گئے۔ ان کے کندھے اور سر پر چوٹ لگنے کی رپورٹس بھی سامنے آئیں۔
اس ہنگامہ آرائی کو قابو میں لانے کے لیے تقریباً 20 پولیس اہلکاروں نے مداخلت کی اور صورتحال کو سنبھالنے کے لیے آنسو گیس کا استعمال کیا۔ میچ کے بعد کی جھڑپ میں، دونوں ٹیموں کے 7 اور 4 کھلاڑیوں، کوچز، اسسٹنٹس سمیت مجموعی طور پر 17 افراد کو ریڈ کارڈز بھی دکھائے گئے۔ رپورٹس کے مطابق، کم از کم 6 کھلاڑی مکمل طور پر کوپا بولیویا کپ سے باہر ہو چکے ہیں۔یہ واقعہ کھیل کے دوران پیدا ہونے والی کشیدگی اور غیر معمولی صورت حال کی عکاسی کرتا ہے، جس نے مقامی اور بین الاقوامی سطح پر توجہ حاصل کی ہے۔
