لاہور کے علاقے شمالی چھاؤنی میں واقع محفوظ شہید گیریژن کے قریب افسوسناک واقعہ پیش آیا ہے جہاں ایک کم عمر بچہ کھلے مین ہول میں گر گیا۔
ریسکیو ذرائع کے مطابق مین ہول کی گہرائی 50 فٹ کے قریب ہے، اور بچے کی تلاش کے لیے ریسکیو 1122 کی امدادی کارروائیاں جاری ہیں۔
واقعے کی تفصیلات
حادثہ مین ہول پر ڈھکن نہ ہونے کے باعث پیش آیا۔علاقے میں رہائشیوں اور بچے کے والدین میں شدید بے چینی اور اضطراب پایا جا رہا ہے۔ریسکیو ٹیموں نے جائے وقوعہ پر فوری پہنچ کر مشینری اور حفاظتی آلات کی مدد سے سرچ آپریشن شروع کر دیا ہے۔اب تک کی اطلاعات کے مطابق بچہ مین ہول کی گہرائی میں پھنسا ہوا ہے، لیکن زندگی کے آثار یا حالت سے متعلق تاحال تصدیق نہیں کی گئی۔
علاقہ مکینوں کا احتجاج
علاقہ مکینوں نے انتظامیہ کی غفلت پر شدید غم و غصے کا اظہار کیا ہے۔ ان کا کہنا ہے کہ:"بارہا شکایت کے باوجود علاقے میں کئی مین ہولز بغیر ڈھکن کے کھلے پڑے ہیں، لیکن متعلقہ محکموں نے کوئی ایکشن نہیں لیا۔"
انتظامیہ کا ردعمل
ضلعی انتظامیہ اور واسا حکام کو واقعے سے متعلق آگاہ کر دیا گیا ہے۔ ممکنہ طور پر واقعے کی تحقیقات اور ذمہ داران کے خلاف کارروائی کی جائے گی۔
وزیر اعلیٰ پنجاب کی جانب سے نوٹس متوقع
ذرائع کے مطابق وزیر اعلیٰ پنجاب مریم نواز کی جانب سے واقعے کا نوٹس لیے جانے کی توقع ہے، اور فوری رپورٹ طلب کی جا سکتی ہے۔
