امریکی شہری مورین برینیگن نے اپنی 52 سالہ والدہ ڈیبی کی موت سے متعلق ایک عجیب و غریب واقعہ ٹک ٹاک پر بیان کیا۔
مورین نے بتایا کہ انہوں نے والدہ کے ساتھ موت سے چند گھنٹے پہلے وقت گزارا تھا۔ والدہ جب گھر واپس روانہ ہوئیں، تو مورین نے انہیں مذاقاً میسیج کیا، "کیا آپ زندہ گھر پہنچ گئیں؟" جس کے بعد معلوم ہوا کہ وہ واقعی انتقال کر چکی تھیں۔مورین کے مطابق، والدہ نے میسیج کا جواب نہیں دیا، اور وہ اس بات پر زیادہ فکر مند نہیں ہوئیں کیونکہ والدہ اکثر گھر جا کر سو جاتیں اور صبح میسیج کرتی تھیں۔ تاہم، بعد میں مورین کے منگیتر نے چہل قدمی کے دوران ان کی والدہ کو ان کی گاڑی میں مردہ حالت میں پایا۔طبی معائنے سے پتہ چلا کہ والدہ کا انتقال دل کے دورے کے باعث ہوا۔ وہ کئی سالوں سے صحت کے مسائل، بشمول گردے کی بیماری، کا شکار تھیں۔یہ دلخراش واقعہ مورین نے اپنے جذبات شیئر کرنے کے لیے ٹک ٹاک پر بیان کیا، جو تیزی سے وائرل ہوگیا۔
