پاکستان پیپلز پارٹی کے رہنما منظور وسان نے 2025ء کے حوالے سے ایک پیشگوئی کرتے ہوئے کہا کہ یہ سال دیگر سالوں سے مختلف اور خطرناک ہوگا۔
ان کا کہنا تھا کہ پاکستان تحریک انصاف (پی ٹی آئی) کے بانی عمران خان کو اپنی سیاسی مشکلات کا سامنا کرنا پڑے گا، اور ان کے ساتھ موجود لوگ انہیں چھوڑ کر چلے جائیں گے، جس کے نتیجے میں عمران خان اکیلا مار کھائیں گے۔منظور وسان نے کہا کہ نئے سال میں پاکستان کی سیاسی صورتحال میں بہت سی تبدیلیاں ہوں گی، اور یہ تبدیلیاں نہ صرف سیاسی جماعتوں میں ہوں گی بلکہ کچھ نئے چہرے بھی منظر عام پر آئیں گے جو موجودہ سیاسی منظرنامے کو متاثر کریں گے۔ انہوں نے مزید کہا کہ 2025ء میں ملک کے اداروں میں بھی تنازعات اور گرما گرمی کا سامنا ہو گا، جس سے سیاسی ماحول مزید پیچیدہ ہو سکتا ہے۔ان کی اس پیشگوئی نے سیاستدانوں، تجزیہ کاروں اور عوام کے درمیان بحث کو جنم دیا ہے، اور کئی افراد اس بات پر غور کر رہے ہیں کہ منظور وسان کی باتیں کس حد تک درست ثابت ہو سکتی ہیں۔
