برطانیہ کے شاہ چارلس سوم اور ملکہ کمیلا نے رمضان المبارک کی آمد سے قبل مسلم کمیونٹی کے لیے خصوصی اقدامات کیے، جن میں افطار کے لیے کھجوریں پیک کرنا بھی شامل ہے۔
لندن میں رمضان کی تیاریاں
برطانیہ میں رمضان 2025ء کا استقبال جوش و خروش سے کیا جا رہا ہے۔ لندن کے میئر صادق خان نے رمضان لائٹس کا افتتاح کیا، جو عید تک روشن رہیں گی اور امن و سلامتی کا پیغام دیں گی۔ اسی سلسلے میں شاہ چارلس سوم اور ملکہ کمیلا بھی رمضان کی تیاریوں میں حصہ لے رہے ہیں۔
مسلم کمیونٹی سے ملاقات
لندن کے ایک بھارتی ریستوران میں رمضان کی مناسبت سے ایک خصوصی تقریب منعقد ہوئی، جس میں برطانوی شاہی جوڑے نے شرکت کی۔ تقریب میں برطانیہ کی باصلاحیت مسلم خواتین کی خدمات کو سراہا گیا۔ شاہ چارلس اور ملکہ کمیلا نے مسلم خواتین کھلاڑیوں، فنکاروں اور عالمی رہنماؤں کے ساتھ وقت گزارا۔
کھجوریں پیک کرنے کی روایت
اس موقع پر شاہی جوڑے نے مقامی ہسپتالوں میں بھیجی جانے والی کھجوریں خود پیک کیں، تاکہ رمضان میں روزہ داروں کے لیے افطار کا بندوبست کیا جا سکے۔ شاہی خاندان کے سوشل میڈیا اکاؤنٹ سے جاری ویڈیو میں انہیں پُرجوش انداز میں کھجوریں پیک کرتے دیکھا جا سکتا ہے، جسے مسلم کمیونٹی میں خوب سراہا جا رہا ہے۔
