دہشتگرد تنظیم فتنہ الخوارج نے ایک اور ڈرون حملے کی ویڈیو سوشل میڈیا پر جاری کر دی ہے، جس میں نئے ضم شدہ اضلاع کے معصوم پختون شہریوں اور بچوں کو نشانہ بنایا گیا ہے۔
ذرائع کے مطابق، اس حملے کی نوعیت اور طریقہ واردات سے واضح ہوتا ہے کہ خوارج کو بھارت کی خفیہ ایجنسی ’را‘ کی پشت پناہی اور مالی معاونت حاصل ہے۔
ڈرون حملے کے پیچھے بھارتی فنڈنگ؟
ذرائع کے مطابق:فتنہ الخوارج کے پاس جو جدید ڈرون ٹیکنالوجی اور اسلحہ موجود ہے، وہ عام دہشتگرد گروہوں کی پہنچ سے باہر ہے۔یہ اسلحہ اور ٹیکنالوجی بھارتی فنڈنگ اور افغان سرزمین سے فراہم کی جانے والی سہولت کاری کا منہ بولتا ثبوت ہیں۔
پاکستان میں دہشتگردی پھیلانے کا نیا حربہ
اطلاعات کے مطابق:خوارج نے اس ڈرون حملے کے بعد پاک فوج پر الزام تراشی کا بھی سلسلہ شروع کر دیا ہے تاکہ عوام کو گمراہ کیا جا سکے۔ذرائع کا کہنا ہے کہ ڈرون حملوں کے ذریعے جاں بحق افراد کی لاشوں کو استعمال کرتے ہوئے پاک فوج کے خلاف سوشل میڈیا پر منظم پروپیگنڈا کیا جا رہا ہے۔
ڈرون ٹیکنالوجی سے ناواقفیت، عوام نشانہ
ذرائع نے یہ بھی بتایا:فتنہ الخوارج ڈرونز کے مؤثر اور محفوظ استعمال سے ناواقف ہیں، جس کے نتیجے میں ان کے حملوں کا زیادہ تر نشانہ عام شہری، خواتین اور بچے بنتے ہیں۔یہ حملے فوجی اہداف کے بجائے شہری آبادی پر کیے جا رہے ہیں، جو انسانی حقوق کی سنگین خلاف ورزی ہے۔
گرفتار دہشتگردوں کے انکشافات
سیکیورٹی ذرائع کے مطابق:حالیہ مہینوں میں گرفتار کیے گئے فتنہ الخوارج کے دہشتگردوں نے دوران تفتیش انکشاف کیا کہ:انہیں بھارتی فنڈنگ حاصل ہے۔افغانستان میں موجود عبوری حکومت کے عناصر کی طرف سے لاجسٹک و معلوماتی مدد فراہم کی جا رہی ہے۔
پراکسی وار کا تسلسل
تجزیہ کاروں کا کہنا ہے کہ:بھارت، افغانستان کی غیر مستحکم صورتحال کا فائدہ اٹھاتے ہوئے پاکستان کے خلاف پراکسی وار کو فروغ دے رہا ہے۔فتنہ الخوارج کے یہ اقدامات بھارت کے علاقائی ایجنڈے کا حصہ ہیں، جس کا مقصد پاکستان میں عدم استحکام پیدا کرنا ہے۔
