لاہور آلودہ ترین شہروں کی فہرست میں پھر پہلے نمبر پر آگیا

لاہور (آئی این پی) صوبائی دارالحکومت لاہورمیں آلودگی کی شرح میں مسلسل اضافہ ہونے لگا ہے جس سے لاہور دنیا کے آلودہ ترین شہروں کی فہرست میں ایک بار پھر پہلے نمبر پر آ گیا ۔تفصیل کے مطابق لاہور کو سموگ سے نجات نہ مل سکی جبکہ پنجاب کے دیگر شہروں میں بھی سموگ کا راج برقرار ہے۔دنیا کے آلودہ ترین شہروں میں لاہور پھر پہلے نمبر ہے، جس کا مجموعی ایئر کوالٹی انڈیکس 423 ریکارڈ کیا گیا جبکہ ڈی ایچ اے فیز 5 کا ایئر کوالٹی انڈیکس 595 تک پہنچ گیا۔پاکستان کے آلودہ ترین شہروں میں ملتان کا دوسرا اور پشاور کا تیسرا نمبر ہے جبکہ ڈجکوٹ، فیصل آباد اور اوکاڑہ سمیت پنجاب کے بیشتر شہر سموگ کی لپیٹ میں ہیں۔