چین کیاقوام متحدہ و عرب لیگ کے درمیان تعاون کو گہرا کرنے کی حمایت

بیجنگ اور عرب ممالک کے درمیان دوستانہ میل جول کی طویل تاریخ پائی ہے، چینی مندوب 
اقوام متحدہ (آن لائن) اقوام متحدہ کی سلامتی کونسل نے اقوام متحدہ اورعرب لیگ  کے درمیان تعاون پر ایک عوامی اجلاس منعقد کیا۔ جمعہ کے روز اقوام متحدہ میں چین کے مستقل مندوب فو چھونگ نے کہا کہ چین اقوام متحدہ اور عرب  لیگ کے ساتھ تعاون کو مزید گہرا کرنے اور مشترکہ طور پر خطے میں امن و ترقی کو فروغ دینے کی حمایت کرتا ہے۔فو چھونگ نے کہا کہ عرب لیگ جغرافیہ، تاریخ، مذہب اور ثقافت میں اپنی برتریوں کو بروئے کار لاتے ہوئے تنازعات کی روک تھام اور ثالثی میں منفرد کردار ادا کر سکتی ہے۔ عالمی برادری کو عرب ممالک کی تاریخی اور ثقافتی روایات کا بھرپور احترام کرتے ہوئے ان کے قومی حالات کے مطابق ترقی کا راستہ  تلاش کرنے میں عرب ممالک کی حمایت کرنی چاہیے۔