ٹی ٹوئنٹی ورلڈکپ 2026 کے سپر ایٹ مرحلے میں بھارت کے لیے ایک بڑا جھٹکا اس وقت لگا جب اہم بیٹر رنکو سنگھ فیملی ایمرجنسی کے باعث ٹیم سے غیر حاضر ہو گئے۔
رنکو سنگھ کی غیر موجودگی سے بھارتی ٹیم کی بیٹنگ لائن متاثر ہو سکتی ہے، کیونکہ ان کی فارم پہلے ہی گروپ مرحلے میں متاثر کن نہیں رہی تھی۔گروپ مرحلے میں رنکو نے 6، 1، 11 اور 6 رنز بنائے، جن میں آخری دو اننگز میں وہ ناٹ آؤٹ رہے۔ سپر ایٹ مرحلے کے پہلے میچ میں جنوبی افریقا کے خلاف بھارت 76 رنز سے شکست کھا گیا، اور اس میچ میں رنکو نے کھاتہ بھی نہ کھولا۔ان کی غیر موجودگی میں ٹیم کے متبادل آپشنز کے طور پر سنجو سیمسن اور اکشر پٹیل پر انحصار کیا جا رہا ہے۔ جمعرات کو زمبابوے کے خلاف میچ میں ان کی شرکت مشکوک ہے، کیونکہ وہ گزشتہ روز ایم اے چدمبرم اسٹیڈیم میں ٹیم کے پریکٹس سیشن میں بھی شریک نہیں ہوئے۔بھارتی ٹیم کے کوچ اور مینجمنٹ کا کہنا ہے کہ رنکو کی غیر موجودگی میں ٹیم کو اپنی بیٹنگ حکمت عملی میں تبدیلی کرنی پڑ سکتی ہے، اور میچ کی تیاری میں متبادل بیٹسمین پر زیادہ دباؤ ہوگا۔
