موبائلز سکواڈ نے کشمور کا خطرناک ملزم گرفتارکر لیا

ملزم مولا بخش پر سنگین جرائم میں ملوث ، پولیس نے قانونی کارروائی کی
لاہور(کرائم رپورٹر) موبائلز سکواڈ نے قانون شکن عناصر کے خلاف سائینٹیفک بنیادوں پر کارروائیاں جاری رکھیں۔ ترجمان کے مطابق، ڈولفن ٹیم نے سندھ کے کشمور کچہ کا خطرناک ڈاکو مولا بخش گرفتار کر لیا۔ ملزم کو ناکہ شیرا کوٹ کے جوانوں نے حراست میں لیا۔ مولا بخش پر سندھ میں دہشتگردی، اقدام قتل اور دیگر سنگین جرائم کے مقدمات درج ہیں اور وہ لاہور میں روپوش تھا۔ قانونی کارروائی کے بعد ملزم کو کشمور پولیس کے حوالے کیا جائے گا، جب تک اسے متعلقہ تھانے میں رکھا گیا ہے۔ ایس پی موبائلز ارسلان زاہد کے مطابق، لاہور کے داخلی و خارجی راستوں پر کڑی نگرانی جاری ہے اور ناکہ جات پر ای پولیس ایپ کے ذریعے سائنٹیفک بنیادوں پر چیکنگ اور سکروٹنی کا عمل مسلسل جاری ہے۔ شہریوں سے اپیل کی گئی ہے کہ کسی مشکوک سرگرمی کی صورت میں فوری اطلاع دیں۔