آپریشن مڈ نائٹ ہیمر، ایران کو بھرپور طاقت سے کچلیں گے: امریکی وزیر دفاع

ایران کا ایٹمی پروگرام تباہ کردیا ہے، امریکا بار بار کہتا رہا ہے جوہری ہتھیار حاصل نہیں کرنے دیں گے
دنیا کو امریکی صدر کی بات سننا ہوگی، امریکی آپریشن ایران میں رجیم چینج کے لیے نہیں کیا گیا،ہیگستھ
  ایرانی ریڈار امریکی جہاز کو پکڑنے میں ناکام رہے ہیں،فضائیہ چیف جنرل ڈین کین ،مشترکہ بریفنگ
واشنگٹن(مانیٹرنگ ڈیسک) امریکی وزیر دفاع ہیگستھ نے کہا ہے کہ آپریشن مڈ نائٹ ہیمر میں ایران کو بھرپور طاقت سے کچلیں گے۔پینٹا گون میں فضائیہ کے سربراہ جنرل ڈین کین  کے ہمراہ مشترکہ بریفنگ دیتے ہوئے ہیگستھ کا کہنا تھا کہ ایران نے حملہ کیا تو بھر پور جواب دیں گے ،ہم نے ایران کا ایٹمی پروگرام تباہ کردیا ہے۔انہوں نے کہا کہ امریکا بار بار ایران کو کہتا رہا ہے کہ جوہری ہتھیار حاصل نہیں کرنے دیں گے، ایران کے پاس جوہری معاہدے کے لیے 60دن تھے، اسرائیل کو ابتداء میں ایران میں بہت کامیابیاں ملیں۔امریکی وزیر دفاع نے کہا کہ اسرائیل کو ہر اتحادی کی حمایت حاصل ہے، دنیا کو امریکی صدر کی بات سننا ہوگی، گذشتہ رات جنرل کوریلا کی سربراہی میں آپریشن مڈ نائٹ ہیمر کیا گیا، ایران کی طاقت کو بھرپور طاقت سے کچلیں گے۔ہیگستھ کا مزید کہنا تھا کہ امریکی آپریشن ایران میں رجیم چینج کے لیے نہیں کیا گیا،نہ ہی امریکی آپریشن سے عام شہریوں اور آبادی کو نقصان پہنچا ہے، صدر ٹرمپ امن چاہتے ہیں ایران کو اِس راستے پر چلنا ہوگا۔امریکی فضائیہ چیف جنرل ڈین کین نے کہا کہ ایران کی تینوں جوہری پلانٹس کو نشانہ بنایا ، ابھی تک ہمیں کوئی اطلاعات نہیں کہ انہوں نے ہماری خلاف مزاحمت کی ہے،امریکی تاریخ میں بی ٹو بمبار طیاروں کا سب سے بڑا آپریشن کیا گیا۔ان کا کہنا  تھا کہ ایرانی ریڈار امریکی جہاز کو پکڑنے میں ناکام رہے ہیں، امریکی بی ٹو بمبار طیاروں کو دوسرے طیاروں کی مدد حاصل ہے ، ہم مشرق وسطیٰ میں امریکی فوج کا بھرپور تحفظ کریں گے۔جنرل ڈین کین نے مزید کہا کہ حملے کے دوران دور درجن ٹاماہاک مزائل بھی بھی اہداف کو نشانہ بنایا، حملے کے وقت ایران کے کسی طیارے نے اڑان بھری، نہ ہی امریکی دفاع نظام ہمارے خفیہ آپریشن کو ناکام بنا سکا ہے۔