بھارتی فلم انڈسٹری کے لیے ایک بار پھر جھٹکا لگا ہے کیونکہ اداکار سنی دیول کی فلم بارڈر 2 پر خلیجی ممالک میں ریلیز کی پابندی عائد کر دی گئی ہے۔
فلم جمعہ، 23 جنوری کو تھیٹرز میں نمائش کے لیے شیڈول تھی، تاہم نئی رپورٹس کے مطابق یہ فلم بحرین، کویت، عمان، قطر، سعودی عرب اور متحدہ عرب امارات میں ریلیز نہیں کی جائے گی۔یہ واقعہ بھارتی فلم دھریندر کی ریلیز پر پابندی کے بعد سامنے آیا ہے، جس کے باعث ادیتیہ دھر کی فلم نے خلیجی ممالک میں تقریباً 90 کروڑ روپے (10 ملین ڈالر) کا نقصان برداشت کیا تھا۔بارڈر 2 نئے سال کی پہلی بڑی فلمی ریلیز تھی اور اس سے بھارتی فلم انڈسٹری کی بیرون ملک آمدنی پر منفی اثرات مرتب ہونے کا امکان ہے۔ بھارتی میڈیا کے مطابق، فلم کی خلیجی ممالک میں ریلیز نہ ہونے کے فیصلے کے پیچھے ممکنہ طور پر مواد کی حساسیت اور مقامی قوانین کو بنیاد بنایا گیا ہے۔اس پابندی کے بعد فلم کے پروڈیوسرز اور ڈسٹریبیوٹرز کو عالمی ریلیز اور آمدنی کے متبادل ذرائع پر غور کرنا پڑے گا۔
