بھارتی گلوکارہ اور اداکارہ مونالی ٹھاکر کی 21 جنوری کو مغربی بنگال کے ایک فیسٹیول میں لائیو پرفارمنس کے دوران طبیعت بگڑ گئی، جس کے باعث انہیں فوراً اسپتال منتقل کرنا پڑا۔
مونالی، جو اس پروگرام میں پرفارم کر رہی تھیں، کو سانس لینے میں دشواری کا سامنا ہوا، اور ان کی حالت بگڑنے پر انہوں نے شو کے دوران ہی حاضرین سے معذرت کی۔بعد ازاں، مونالی ٹھاکر کو مغربی بنگال کے اسپتال میں ایڈمٹ کیا گیا، جہاں ان کی حالت کی نگرانی کی گئی۔ اطلاعات کے مطابق، گلوکارہ نے لائیو پرفارمنس کے دوران جسمانی عدم توازن اور سانس کی مشکلات کا سامنا کیا، جس کی وجہ سے شو کا ایک حصہ وہ مکمل نہیں کر سکیں۔
یاد رہے کہ اس سے قبل بھی مونالی ٹھاکر کی لائیو پرفارمنس میں تنازعہ سامنے آیا تھا، جب انہوں نے رواں ماہ ایک اور شو میں بھی اپنی پرفارمنس چھوڑ دی تھی۔ اس وقت بھی وہ پرفارمنس کے دوران تھکن اور بوجھ محسوس کر رہی تھیں۔ان کی صحت کے بارے میں مزید معلومات کی عدم دستیابی کی وجہ سے ان کے مداحوں میں تشویش پائی جاتی ہے، اور انہیں جلد صحت یاب ہونے کی دعا دی جا رہی ہے۔
