مشہور گلوکار عاطف اسلم نے دبئی میں اپنے حالیہ کنسرٹ کے دوران شاہ رخ خان کے معروف گانے "دل سے رے" کی لائیو پرفارمنس پیش کی، جس نے سوشل میڈیا پر دھوم مچا دی۔
اس گانے کو آر رحمان نے فلم "دل سے" (1998) میں گایا تھا اور شاہ رخ خان کی شاندار پرفارمنس کے ساتھ یہ ایک کلاسک گانا بن گیا۔عاطف اسلم نے انسٹاگرام پر اپنی پرفارمنس کی ویڈیو شیئر کی، جس میں انہوں نے پورے جذبے اور احساس کے ساتھ گانا گایا۔ ان کے الفاظ "اگر دل ہے تو دکھ بھی ہے" نے مداحوں کے دلوں کو چھو لیا اور ویڈیو فوراً وائرل ہو گئی۔ویڈیو کے ساتھ، عاطف اسلم نے اپنے مداحوں کو ایک خاص پیغام بھی دیا، "جنوری سویا ہوا گزرا، اب زندگی فروری سے شروع ہوتی ہے۔
" انہوں نے اس پیغام میں بتایا کہ جنوری کا مہینہ ان کے لیے ایک غیر فعال دور تھا، لیکن فروری کے مہینے کے ساتھ وہ نئی امید اور توانائی کے ساتھ زندگی کا آغاز کر رہے ہیں۔عاطف اسلم نہ صرف اپنی موسیقی سے مداحوں کو متاثر کر رہے ہیں بلکہ "بارڈرلیس ورلڈ" کے ذریعے بین الاقوامی سطح پر نئے موسیقاروں کو مواقع فراہم کرنے کی کوشش بھی کر رہے ہیں، جس سے انہوں نے عالمی سطح پر اپنے کام کی نوعیت کو مزید بڑھایا ہے۔
