بالی ووڈ کے کئی مشہور اداکار صرف اپنی شاندار اداکاری ہی نہیں بلکہ اعلیٰ تعلیم یافتہ بھی ہیں۔
رپورٹ کے مطابق کچھ اداکاروں نے اپنی تعلیم کے دوران متعلقہ پیشوں میں بھی کام کیا مگر اداکاری کے شوق نے انہیں فلمی دنیا کی جانب راغب کیا۔
شاہ رخ خان: دہلی کے ہنسراج کالج سے اکنامکس میں گریجویشن، جامعہ ملیہ اسلامیہ میں ماسٹرز کی تعلیم ادھوری چھوڑ کر اداکاری میں آئے۔
سارہ علی خان: کولمبیا یونیورسٹی، امریکہ سے تاریخ اور پولیٹیکل سائنس میں ڈگری، 2018 میں فلم ’کیدارناتھ‘ سے بالی ووڈ میں ڈیبیو۔
آیوشمان کھرانہ: ڈی اے وی کالج سے انگلش لٹریچر میں گریجویشن، پنجاب یونیورسٹی سے ماس کمیونیکیشن میں ماسٹرز، فلم ’وکی ڈونر‘ سے ڈیبیو اور نیشنل ایوارڈ جیتا۔
تاپسی پنو: کمپیوٹر سائنس انجینیئر، دہلی کے گرو تیغ بہادر انسٹی ٹیوٹ آف ٹیکنالوجی سے تعلیم، فلموں میں آنے سے پہلے سافٹ ویئر انجینیئر بھی رہیں۔
کارتک آریان: بایوٹیکنالوجی انجینیئر، آڈیشنز کے دوران کلاسز چھوڑنے کے باوجود انجینیئرنگ مکمل کی۔
وکی کوشل: الیکٹرانکس اینڈ ٹیلی کمیونیکیشن میں انجینیئرنگ، اداکاری کی جانب رجحان، ’مسّان‘ سے فلمی کیریئر کا آغاز۔
سوہا علی خان: آکسفورڈ یونیورسٹی سے ماڈرن ہسٹری میں بیچلرز، لندن سکول آف اکنامکس سے ماسٹرز، فلم ’دل مانگے مور‘ سے اداکاری کا آغاز۔
یہ ستارے ثابت کرتے ہیں کہ شوق اور تعلیم دونوں کو ساتھ لے کر کامیابی حاصل کی جا سکتی ہے۔
