ڈولفن اور پی آر یو کا کریک ڈاؤن، درجنوں ملزم پکڑ لئے

لاہور(کرائم رپورٹر) ڈولفن سکواڈ اور پی آر یو نے ہفتہ وار کارکردگی رپورٹ جاری کر دی۔ ایس پی ڈولفن ارسلان زاہد کے مطابق ڈکیتی و چوری میں ملوث 9 ملزمان گرفتار کر کے ان کے قبضہ سے 3 موٹر سائیکل اور 3 موبائل فون برآمد ہوئے۔ دوران پٹرولنگ 51 اشتہاری سمیت 265 عادی مجرمان اور 63 عدالتی مفروران کو حراست میں لیا گیا۔ اسلحہ و منشیات کی بڑی کھیپ بھی برآمد کی گئی۔ 93 ون ویلنگ، 16 پتنگ بازی و ہوائی فائرنگ کے ملزمان گرفتار کئے گئے جبکہ 97 شہریوں کو ریسکیو کیا گیا۔