نیشنل ایروناٹکس اینڈ اسپیس ایڈمنسٹریشن (ناسا) نے امریکی ریاست الاسکا کے ساحل پر ایک نیا جزیرہ دریافت کرنے کا اعلان کیا ہے۔
یہ جزیرہ السیک جھیل کے اندر واقع ہے، جو السیک گلیشیئر کے بتدریج پگھلنے سے وجود میں آیا۔ناسا نے جزیرے کی موجودگی کی تصدیق کے لیے دو سیٹلائٹ تصاویر جاری کی ہیں: ایک 5 جولائی 1984 کی اور دوسری 6 اگست 2025 کی۔ ان تصاویر کے موازنہ سے پتہ چلا کہ السیک گلیشیئر نے گزشتہ چار دہائیوں میں تقریباً 5 کلومیٹر تک پگھل کر ایک پہاڑ (Prow Knob) کو اپنی لپیٹ سے آزاد کر دیا، جس کے بعد وہ پانی سے گھرا ایک جزیرہ بن گیا۔
ناسا کے مطابق یہ پہاڑ اب مکمل طور پر گلیشیئر سے الگ ہو چکا ہے اور اسے سرکاری طور پر جزیرے کا درجہ دے دیا گیا ہے۔یہ دریافت ماحولیاتی تبدیلی اور گلیشیئر کے پگھلنے کے اثرات کی اہم بصیرت فراہم کرتی ہے اور اس خطے میں پانی کی سطح اور زمین کی تشکیل میں تبدیلی کے مطالعے کے لیے اہم ہے۔
