کراچی میں منشیات اور قتل سے متعلق مقدمات میں گرفتار ملزمہ انمول عرف پنکی کو سینٹرل جیل کراچی میں قائم جوڈیشل کمپلیکس میں عدالت کے سامنے پیش کر دیا گیا۔
پولیس کے مطابق ملزمہ کو سخت سیکیورٹی حصار میں عدالت لایا گیا، جہاں مختلف تھانوں کے تفتیشی افسران بھی پیش ہوئے۔ ان تھانوں میں درخشاں، گزری اور بغدادی شامل ہیں، جن کے افسران نے کیس سے متعلق پیش رفت عدالت کے سامنے رکھی۔تفتیشی افسران نے عدالت کو آگاہ کیا کہ ملزمہ سے جاری تفتیش میں اہم پیش رفت ہوئی ہے اور اس دوران مزید معلومات بھی حاصل کی جا رہی ہیں۔ پولیس کے مطابق تفتیشی عمل کے دوران نئے پہلو سامنے آ رہے ہیں جن کی بنیاد پر کیس کو آگے بڑھایا جا رہا ہے۔عدالت کو بتایا گیا کہ تفتیش مکمل کرنے کے لیے مزید وقت درکار ہے، جس کے لیے ملزمہ کے جسمانی ریمانڈ میں توسیع کی درخواست بھی دائر کی گئی ہے۔
تفتیشی حکام کا کہنا ہے کہ ریمانڈ میں توسیع سے مزید شواہد اور معلومات حاصل کرنے میں مدد ملے گی۔دوسری جانب کیس کی نوعیت کے پیش نظر عدالت میں سیکیورٹی کے سخت انتظامات کیے گئے تھے تاکہ کسی بھی ناخوشگوار صورتحال سے بچا جا سکے۔ملزمہ کے خلاف منشیات فروشی اور قتل سے متعلق مقدمات کی مزید سماعت آئندہ تاریخ پر کی جائے گی، جبکہ تفتیشی ادارے کیس کو مکمل کرنے کے لیے اپنی کارروائی جاری رکھے ہوئے ہیں۔
