امیتابھ بچن نے اپنے مشہور ریئلٹی گیم شو "کون بنے گا کروڑ پتی" (کے بی سی) کی میزبانی کے فیصلے کے پیچھے کی کہانی 25ویں سالگرہ کی خصوصی قسط میں شیئر کی۔
امیتابھ بچن نے بتایا کہ جب ان کے سامنے پہلی بار اس شو کی میزبانی کا تصور پیش کیا گیا تو وہ بہت کنفیوژ تھے اور انہیں سمجھ نہیں آ رہا تھا کہ یہ شو کس طرح کام کرے گا۔اس دوران پروڈکشن ٹیم نے انہیں لندن کے ایل سی اسٹوڈیو لے جایا، جہاں اسی نوعیت کا گیم شو چل رہا تھا۔ وہاں کی توانائی اور جوش و خروش دیکھ کر امیتابھ نے فیصلہ کیا کہ وہ بھی اسی طرز کا ماحول ہندوستان میں تخلیق کریں گے، تاکہ ہندوستانی ناظرین کو وہی تجربہ حاصل ہو جو لندن میں تھا۔امیتابھ بچن نے کہا کہ شو کی میزبانی کے لیے انہوں نے کوئی باضابطہ تیاری نہیں کی تھی اور پہلے دن ان کی دھڑکنیں تیز ہو رہی تھیں۔ تاہم، کیمرہ ان کی گھبرائی ہوئی حالت کو نہیں پکڑ سکا، اور وہ جو کچھ بھی سوچتے، وہی شو کے دوران کہا۔انہوں نے اپنے خاندان کا ذکر کرتے ہوئے بتایا کہ جب انہوں نے اپنے اہل خانہ کو یہ فیصلہ بتایا کہ وہ "کون بنے گا کروڑ پتی" کی میزبانی کریں گے تو کئی افراد نے انہیں اس فیصلے کو "بڑی غلطی" قرار دیا تھا۔
ان کا کہنا تھا کہ لوگ انہیں بڑی اسکرین پر دیکھتے ہیں، اور اگر وہ چھوٹی اسکرین پر نظر آئیں گے تو ان کی شہرت میں کمی آ جائے گی۔ تاہم، امیتابھ بچن نے ان باتوں کو نظرانداز کیا اور اپنی راہ پر چلتے ہوئے شو کی میزبانی کرنا شروع کر دی۔امیتابھ بچن کے مطابق، آج وہ 25 سال سے اس کرسی پر بیٹھے ہیں اور انہیں اس فیصلے پر فخر ہے۔ انہوں نے مزید کہا کہ شو کی کامیابی نے ثابت کر دیا کہ ان کا فیصلہ صحیح تھا، اور وہ اس کامیابی کا جشن منا رہے ہیں۔شو کی 25ویں سالگرہ کے موقع پر کاجول، اے آر رحمان اور ابھیشیک بچن جیسے مشہور شخصیات نے بھی امیتابھ بچن کو مبارکباد دی اور اس شو کی کامیابی پر خوشی کا اظہار کیا۔
