بھارتی اداکارہ راکھی ساونت کو متنازع بیانات اور یوٹیوب شو میں شرکت کے معاملے پر پولیس نے 27 فروری کو تھانے میں پیش ہونے کا حکم دیا ہے۔
تفصیلات:
راکھی ساونت حالیہ دنوں مفتی قوی سے شادی کے دعوے اور دیگر بیانات کی وجہ سے خبروں میں رہی ہیں۔ اس کے علاوہ، چیمپیئنز ٹرافی کے دوران نیوزی لینڈ کے خلاف میچ میں پاکستانی ٹیم کی حمایت کرنے پر بھارتی عوام نے انہیں شدید تنقید کا نشانہ بنایا تھا۔مہاراشٹر سائبر سیل کے آئی جی یشاسوی یادو کے مطابق، راکھی ساونت کو ایک یوٹیوب شو میں ہونے والی غیر اخلاقی گفتگو کے حوالے سے وضاحت کے لیے بلایا گیا ہے۔یہ شو بھارتی سپریم کورٹ کی جانب سے پابندی کا شکار ہے، مگر راکھی ساونت بطور مہمان اس میں شریک ہو چکی ہیں۔ اب دیکھنا یہ ہے کہ آیا وہ دبئی سے ممبئی آکر اپنا بیان ریکارڈ کروائیں گی یا نہیں۔
