خیبر پختونخوا کے وزیراعلیٰ سہیل آفریدی نے پارلیمنٹ ہاؤس میں اپوزیشن لیڈر محمود خان اچکزئی سے اہم ملاقات کی۔
اس ملاقات کے دوران دونوں رہنماؤں نے سیاسی امور اور موجودہ صورتحال پر تبادلہ خیال کیا۔ ملاقات میں چیئرمین پی ٹی آئی بیرسٹر گوہر اور دیگر اپوزیشن رہنماؤں بھی شریک تھے۔ذرائع کے مطابق، اس ملاقات میں بانی پی ٹی آئی کی ہسپتال منتقلی اور سپریم کورٹ کے حالیہ آرڈرز کے بعد پیدا ہونے والی صورتحال پر بات چیت کی گئی۔ دوسری جانب، محمود خان اچکزئی نے اپوزیشن کا مشترکہ پارلیمانی پارٹی اجلاس آج شام 4 بجے طلب کرنے کا اعلان بھی کیا ہے، جس میں سیاسی صورتحال اور آئندہ کے اقدامات پر غور کیا جائے گا۔ یہ ملاقات سیاسی حلقوں میں اہمیت کی حامل ہے کیونکہ اس سے اتحاد و اختلافات کے اندازے لگائے جا رہے ہیں اور مستقبل کے سیاسی لائحہ عمل پر غور کیا جا رہا ہے۔
