عیدالفطر تعطیلات: عرب ممالک کیلئے فضائی کرایوں میں 100فیصد اضافہ

  دبئی (آئی این پی )عیدالفطر کی تعطیلات کے موقع پر متحدہ عرب امارات میں عرب ممالک کے لئے فضائی کرایوں میں سو فیصد اضافہ ہو گیا ۔عرب اخبار   کی رپورٹ کے مطابق عمان، قاہرہ، بیروت، سکندریہ، دارالبیضا اور تیونس کے لئے فضائی ٹکٹوں کے نرخوں میں جنوری کے مقابلے میں غیرمعمولی اضافہ دیکھنے میں آیا ہے۔ متحدہ عرب امارات سے عرب ممالک کیلئے فضائی کمپنیوں کے ٹکٹوں میں 29 مارچ سے چار اپریل تک کی بکنگ فل ہونے کی وجہ سے ٹکٹوں کے کرائے بہت زیادہ ہوگئے ہیں۔امارات سے عمان کیلئے کم سے کم فضائیہ کرایہ 2800 درھم تک پہنچ گیا ہے، قاہرہ کے لیے 3500، اسکندریہ کیلئے 2700 درھم، تیونس کیلئے فضائی ٹکٹ کی قیمت5 ہزار درھم تک پہنچ گئی ہے۔