فیفا ورلڈکپ 2026 کے گروپ اسٹیج میں پیراگوئے کے مڈفیلڈر میگوئل المیرون ایک غیر معمولی واقعے کے باعث ریڈ کارڈ حاصل کرنے والے پہلے کھلاڑی بن گئے، جس نے فٹبال حلقوں میں نئی بحث چھیڑ دی ہے۔
میچ کی صورتحال
ترکی اور پیراگوئے کے درمیان کھیلے گئے گروپ ڈی میچ میں پیراگوئے نے سخت مقابلے کے بعد 1-0 سے کامیابی حاصل کی۔ میچ کے ابتدائی لمحات میں ہی پیراگوئے نے برتری حاصل کر لی تھی، تاہم بعد میں میچ میں ڈرامائی موڑ آیا۔
ریڈ کارڈ کی وجہ کیا بنی؟
میچ کے پہلے ہاف کے آخری لمحات میں المیرون ترکی کے کھلاڑی میرت مولدر کے ساتھ گفتگو کر رہے تھے کہ اس دوران انہوں نے بات کرتے وقت اپنا منہ ہاتھ سے ڈھانپ لیا۔اسی عمل کو نئے فیفا قانون کی خلاف ورزی قرار دیا گیا، جو کھلاڑیوں کو دورانِ گفتگو منہ ڈھانپنے سے روکتا ہے تاکہ مبینہ غیر شفاف یا نامناسب گفتگو کو چھپایا نہ جا سکے۔ریفری ایوان بارٹن نے وی اے آر ریویو کے بعد المیرون کو براہِ راست ریڈ کارڈ دکھا دیا۔
نئے قانون پر تنازع
یہ پہلا موقع ہے کہ اس نئے اصول کے تحت کسی کھلاڑی کو ریڈ کارڈ ملا ہے، جس پر فٹبال ماہرین اور مداحوں میں شدید بحث جاری ہے۔ بعض ماہرین اسے سخت فیصلہ قرار دے رہے ہیں جبکہ کچھ کے مطابق قوانین کے مطابق کارروائی درست تھی۔
