پیراگوئے نے کم تعداد میں کھیلتے ہوئے بھی اپنی مظبوط دفاعی حکمت عملی اور حوصلہ مندی کا مظاہرہ کیا، جس سے انہوں نے فیفا ورلڈ کپ 2026 میں ترکی کو 1-0 سے شکست دے دی۔
میچ کا سب سے خاص پہلو اس کا تیز ترین گول تھا، جو صرف 64 سیکنڈ میں میٹیاس گالارزا نے اسکور کیا، اور یہ اب تک کے ٹورنامنٹ کا سب سے تیز ترین گول بن چکا ہے۔ اس کے علاوہ، مراکش کے اسماعیل سیباری کا 71ویں سیکنڈ میں گول بھی ایک ریکارڈ ہے۔پیراگوئے کو میچ کے دوران ایک بڑا دھچکا اس وقت لگا جب ان کے مڈفیلڈر میگوئل المیرون کو براہ راست ریڈ کارڈ دکھایا گیا، اور وہ پہلے کھلاڑی تھے جنہوں نے نیا ضابطہ لاگو ہونے کے بعد سے یہ سزا پائی۔ اس کے باوجود، ٹیم نے حوصلہ نہیں ہارا اور 10 کھلاڑیوں کے ساتھ بھی ترک کے حملوں کا بھرپور مقابلہ کیا اور برتری برقرار رکھی۔
یہ کامیابی پیراگوئے کے لیے خاص اہمیت کی حامل ہے کیونکہ اس سے ان کی حوصلہ افزائی ہوئی ہے، خاص طور پر اس کے بعد جب انہوں نے اپنے پہلے میچ میں امریکا سے 1-4 کی شکست کھائی تھی۔ یہ فتح ثابت کرتی ہے کہ ٹیم میں حوصلہ، حکمت عملی اور لگن کی کمی نہیں ہے۔
