میری آمد پر سعودی شاہی فضائیہ کے طیاروں کی جانب سے والہانہ استقبال حیران کن تھا، مسلح افواج کے چاک و چوبند دستے نے سلامی پیش کی:وزیراعظم

دعا ہے دوستی  نئی بلندیوں کو چھوئے:شہبازشریف  دونوں ملک  ابد تک ایک  صف میں رہیں گے:سعودی وزیر دفاع
 دل کی گہرائیوں سے شہزادہ محمد بن سلمان کے وژن اور قیادت کی تعریف کرتا ہوں‘پاکستان اور سعودی عرب کے درمیان سرمایہ کاری‘تجارت اور کاروباری روابط کو وسط دینے میں ان کی خصوصی دلچسپی قابل تعریف ہے: ایکس پر پیغام
 سعودی وزیر دفاع نے پاکستان اور سعودی عرب کے مابین  تاریخی  دفاعی معاہدے کی خبر اردو زبان میں بھی پوسٹ کردی‘معاہدہ    طویل المدتی تعاون کا عکاس ،کسی مخصوص واقعے کا ردِعمل نہیں:اعلی سعودی عہدیدار 
اسلام آبادریاض (مانیٹرنگ ڈیسک‘ایجنسیاں) وزیراعظم شہباز شریف نے کہا سعودی ولی عہد محمد بن سلمان کی طرف سے سرکاری دورے پر دل کی گہرائیوں کو چھونے والے استقبال سے بہت متاثر ہوا،  میں اپنے عزیز بھائی شہزادہ محمد بن سلمان، ولی عہد اور سعودی عرب کے وزیر اعظم کی جانب سے پرجوش اور والہانہ استقبال پر بہت متاثر ہوا ہوں۔سماجی رابطے کی ویب سائٹ ایکس پر جاری اپنے ایک بیان میں وزیر اعظم نے کہا کہ سعودی عرب کی جانب سے پرجوش اور والہانہ استقبال پر بہت متاثر ہوا ہوں۔سعودی ولی عہد اور وزیر اعظم شہزادہ محمد بن سلمان کے تاریخی استقبال نے دل جیت لیے۔ان کا کہنا تھا کہ میری آمد پر سعودی شاہی فضائیہ کے طیاروں کی جانب سے سے والہانہ استقبال حیران کن تھا، سعودی مسلح افواج کے چاک و چوبند دستے نے سلامی پیش کی۔وزیر اعظم نے کہا کہ یہ پاکستان اور سعودی عرب کے درمیان پائے جانے والے دیرینہ محبت اور باہمی احترام کا مظہر ہے۔شہباز شریف نے کہا کہ سعودی ولی عہد شہزادہ محمد بند سلمان سے میری نہایت خوشگوار اور مفید گفتگو ہوئی جس میں علاقائی چیلنجز پر تبادلہ خیال اور دوطرفہ تعاون کے فروغ پر بات چیت ہوئی۔وزیر اعظم کا مزید کہنا تھا کہ دل کی گہرائیوں سے شہزادہ محمد بن سلمان کے وڑن اور قیادت کی تعریف کرتا ہوں۔پاکستان اور سعودی عرب کے درمیان سرمایہ کاری۔تجارت اور کاروباری روابط کو وسط دینے میں انکی خصوصی دلچسپی قابل تعریف ہے۔شہباز شریف نے کہا کہ میری دعا ہے کہ پاکستان اور سعودی عرب کی دوستی فروغ پاتی رہے اور عظمت کی نئی بلندیوں کو چھوئے۔ انشاء￿ اللہ‘دریں اثناء  سعودی  وزیر دفاع خالد بن سلمان نے کہا ہے  سعودیہ اور پاکستان، جارح کے مقابل ایک ہی صف میں، ہمیشہ اور ابد تک۔ سعودی وزیر دفاع نے پاکستان اور سعودی عرب کے مابین  تاریخی  دفاعی معاہدے کی خبر اردو زبان میں بھی پوسٹ کی، جس میں انہوں نے لکھا کہ سعودیہ اور پاکستان جارح کے مقابل ایک ہی صف میں، ہمیشہ اور ابد تک۔برطانوی خبررساںادارے رائٹرز نے اس حوالے سے رپورٹ میں کہا  ہسعودی عرب اور ایٹمی طاقت رکھنے والے پاکستان نے ایک باضابطہ باہمی دفاعی معاہدے پر دستخط کیے ہیں، جس سے عشروں پر محیط سلامتی شراکت داری کو نمایاں طور پر مزید مضبوطی ملی ہے۔ یہ اقدام اس وقت سامنے آیا ہے جب خطے میں کشیدگی بڑھتی جا رہی ہے۔ایک سینئر سعودی اہلکار نے رائٹرز سے گفتگو کرتے ہوئے معاہدے کے وقت سے متعلق سوال پر کہا کہ یہ معاہدہ کئی برسوں کی بات چیت کا نتیجہ ہے، یہ کسی خاص ملک یا کسی مخصوص واقعے کے ردِعمل میں نہیں بلکہ ہمارے دونوں ممالک کے درمیان دیرینہ اور گہرے تعاون کو ادارہ جاتی شکل دینے کا عمل ہے۔انہوں نے دونوں ممالک کے دفاعی معاہدہ  کو  جامع دفاعی معاہدہ قرار  دیا  اور کہا کہ پاکستان اور سعودی عرب کے درمیان ہونے والا  دفاعی معاہدہ تمام فوجی وسائل کا احاطہ کرتا ہے