ویب ڈیسک:وزیراعلیٰ خیبر پختونخوا علی امین گنڈاپور اڈیالہ جیل میں بانی چیئرمین پی ٹی آئی عمران خان سے ملاقات کے لیے پہنچے۔
ملاقات میں 24 نومبر کو تحریک انصاف کے احتجاج اور ایپکس کمیٹی کے اجلاس سے متعلق اہم مشاورت کی جائے گی۔
سکیورٹی انتظامات
علی امین گنڈاپور کی آمد سے قبل اڈیالہ جیل کے اطراف سکیورٹی سخت کر دی گئی۔ اڈیالہ روڈ پر پولیس کی اضافی نفری تعینات کی گئی اور داخلی و خارجی راستوں پر نگرانی مزید بڑھا دی گئی تھی۔
سیاسی مشاورت کا مقصد
یہ ملاقات 24 نومبر کو متوقع تحریک انصاف کے احتجاج اور خیبر پختونخوا حکومت کے کردار پر مشاورت کے لیے اہم تصور کی جا رہی ہے۔ اس کے علاوہ ایپکس کمیٹی کے اجلاس میں شرکت کے حوالے سے بھی عمران خان کی ہدایات لی جائیں گی۔ملاقات کے بعد گنڈاپور کی جانب سے میڈیا کو تفصیلات فراہم کیے جانے کا امکان ہے۔
