حکومت لاچار و مجبور،25کروڑ عوام کو گروی رکھ دیا گیا:علی محمد خان

جلد احتجاجی تحریک کا اعلان کریں گے، قوم عمران خان کی رہائی کے لیے اپناکردار ادا کرے
 اسلام آباد(آ ئی این پی) پاکستان تحریک انصاف کے مرکزی رہنما ممبر قومی اسمبلی علی محمد خان نے کہا ہے کہ حکومت لاچار اور مجبور ہے،پاکستان کے 25 کروڑ عوام کو گروی رکھ دیا گیا ہے،آئی ایم ایف نے آپ کے اداروں کے اندر مداخلت شروع کر دی ہے۔منگل کو پارلیمنٹ میں گفتگو کرتے ہوئے انہوں نے کہا کہ آئی ایم ایف کے ساتھ جو نئے معاہدات ہو رہے ہیں یہ پاکستان کی سلامتی اور اس کی خود مختاری کو چیلنج کر رہے ہیں۔پاکستان کے تمام اداروں کو گروی رکھا جا رہا ہے۔انہوں نے کہا کہ پاکستانی قوم اب اٹھ کھڑی ہو اور عمران خان کی رہائی کے لیے اپنا کردار ادا کرے، پاکستان کے 26کروڑ عوام نے اگر اب بھی خاموشی اختیار کی تو ملک کسی نے سانحہ سے دو چار ہو سکتا ہے۔انہوں نے کہا کہ حکومت کے خلاف جلد احتجاجی تحریک کا اعلان کریں گے اس سلسلے میں ہم مشاورت کر رہے ہیں۔