صدر مملکت آصف علی زرداری نے خیبر پختونخوا میں سکیورٹی فورسز کی حالیہ کارروائیوں میں 11 دہشت گردوں کی ہلاکت پر فورسز کو خراج تحسین پیش کیا۔
یہ کارروائیاں 18 اور 17 دسمبر کی رات خیبر پختونخوا کے تین مختلف اضلاع میں کی گئیں، جن میں سکیورٹی فورسز نے 11 دہشت گردوں کو جہنم واصل کیا۔صدر زرداری نے اس موقع پر اپنے بیان میں کہا کہ سکیورٹی فورسز دہشت گردی کے عفریت کے خاتمے کے لیے بھرپور کاروائیاں کر رہی ہیں اور پوری قوم دہشت گردی کے خلاف متحد ہے۔ انہوں نے یہ بھی کہا کہ فتنہ الخوارج کے مکمل خاتمے تک سکیورٹی فورسز کی کارروائیاں جاری رہیں گی۔صدر نے ملک میں دہشت گردی کے خلاف جنگ میں سکیورٹی فورسز کی کوششوں کو سراہا اور اس عزم کا اعادہ کیا کہ پاکستان میں دہشت گردوں کے تمام نیٹ ورک اور ان کے سہولت کاروں کے خلاف کارروائیوں کا سلسلہ جاری رکھا جائے گا۔
یہ کارروائیاں دہشت گردوں کی سرکوبی کے لیے کی جا رہی ہیں تاکہ پاکستان کو دہشت گردی سے پاک کیا جا سکے اور شہریوں کو محفوظ بنایا جا سکے۔ سکیورٹی فورسز نے اپنے آپریشنز کے دوران دہشت گردوں کے خلاف کامیاب کارروائیاں کی ہیں، اور صدر زرداری کا کہنا تھا کہ دہشت گردوں کا مکمل خاتمہ اس وقت تک ممکن نہیں جب تک تمام تر کوششیں ایک سمت میں نہ ہوں۔یہ کارروائیاں دہشت گردوں کی بڑھتی ہوئی سرگرمیوں کو روکنے اور عوام میں اطمینان اور تحفظ کا احساس پیدا کرنے کے لیے اہم سمجھی جا رہی ہیں۔
