مسجد نبویؐکے آسمان پر دکھائی دینے والے شعلہ غیر قانونی داخل ہونے والے ڈرون کاتھا جس کو مارگرایا :سعودی عرب

ریاض(آئی این پی)گزشتہ جمعرات کو مدینہ منورہ میں مسجد نبویؐکے آسمان پر دکھائی دینے والے شعلے کی حقیقت سامنے آگئی۔مختلف سوشل میڈیا پلیٹ فارمز پر ایک ویڈیو وائرل ہو رہی تھی جس میں مسجد نبویؐ کے آسمان پر ایک زوردار دھماکے کے بعد شعلہ دکھائی دے رہا ہے۔مذکورہ وائرل ویڈیوز کے کمنٹس میں صارفین مختلف تبصرے کر رہے تھے۔ تاہم اب سعودی حکومت کی جانب سے اس حوالے سے باضابطہ بیان جاری کر دیا گیا ہے۔حرمین الشریفین سے متعلق اپ ڈیٹس دینے والے آفیشل پیج کی جانب سے سماجی رابطے کی ویب سائٹ ایکس پر جاری پیغام جاری کیا گیا ہے۔ان کا کہنا ہے کہ ذرائع کے مطابق مقدس شہر مدینہ منورہ میں جمعرات کی صبح تقریبا 5 بج کر 40 منٹ پر ایک غیر قانونی ڈرون سعودیہ کی حدود میں داخل ہوا تھا جسے مار گرایا ہے۔ انہوں نے اس حوالے سے مزید تفصیلات جاری نہیں کیں