چلاس: متاثرین دیامر بھاشا ڈیم حقوق تحریک کے احتجاجی دھرنے کو ایک ماہ مکمل ہوگیا

چلاس(آئی این پی )متاثرین دیامر بھاشا ڈیم ،حقوق دو    ڈیم بنائو تحریک کے  احتجاجی دھرنے کو ایک ماہ کا عرصہ مکمل ہوگیا ہے ۔ 31 نکاتی چارٹر آف ڈیمانڈ 2025 کی منظوری کے لیے وزارتی کمیٹی کی جانب سے تحریری معاہدہ پر دستخط نہ ہونے کی وجہ سے  واپڈا آفس اور تعمیراتی کمپنیوں کے آفسز اور کام 10 دن سے بند ہے جس کی وجہ سے ملازمین کی تنخوا ہیں  اور دفتری امور شدید مشکلات کا سامنا ہے ۔تحریک کے رہنماء مولانا حضرت اللہ نے کہا ہے کہ 31 نقاتی چارٹر آف ڈیمانڈ 2025 وزارتی کمیٹی کے ساتھ طے پایا ہے معاہدے پر دستخط اور عمل درآمد   ہونے تک احتجاجی دھرنا جاری رہے گا  ہم پیچھے نہیں ہٹیں گے  ۔