بالی ووڈ کی معروف اداکارہ کرینہ کپور خان نے سوشل میڈیا پر ٹرینڈ “2016” میں حصہ لیتے ہوئے اپنے مداحوں کے ساتھ ماضی کی چند نایاب اور یادگار تصاویر شیئر کی ہیں۔
یہ تصاویر خاص طور پر ان کے حمل کے دوران کے لمحات کو اجاگر کرتی ہیں، جن میں وہ مختلف مواقع پر پراعتماد، باوقار اور خوشنما انداز میں نظر آ رہی ہیں۔کرینہ نے ان تصاویر کے ذریعے بتایا کہ حمل کے دوران بھی پیشہ ورانہ زندگی جاری رکھنا ممکن ہے اور ماں بننا کسی بھی عورت کی پیشہ ورانہ شناخت کو محدود نہیں کرتا۔ انہوں نے کہا کہ اس وقت بھی انہوں نے اپنا اعتماد اور وقار مضبوطی سے قائم رکھا اور ریمپ پر واک کے ذریعے یہ پیغام دیا کہ خواتین ہر مرحلے میں اپنے کام اور خود اعتمادی کو برقرار رکھ سکتی ہیں۔
اداکارہ کی پوسٹ میں ان کا انداز سادہ مگر بااثر ہے، جسے مداحوں کی طرف سے خوب سراہا جا رہا ہے۔ اس اقدام کو خواتین کے لیے حوصلہ افزا قرار دیا جا رہا ہے اور یہ پیغام دیا جا رہا ہے کہ زندگی کے ہر مرحلے میں خود پر یقین رکھنا سب سے اہم ہے۔واضح رہے کہ سوشل میڈیا پر سال 2016 کا ٹرینڈ مقبول ہے، جس میں لوگ اپنی 2016 سے جڑی یادیں اور تصاویر شیئر کر رہے ہیں۔ کرینہ کپور خان سے قبل عالیہ بھٹ، اننیا پانڈے اور سونم کپور سمیت کئی بالی ووڈ اداکارائیں اس ٹرینڈ میں حصہ لے چکی ہیں۔
