ویب ڈیسک:سپیشل سینٹرل عدالت نے سابق وزیراعلیٰ پنجاب پرویز الہٰی کے خلاف منی لانڈرنگ کے مقدمے کی سماعت کے دوران اہم حکم جاری کیا ہے۔
عدالت نے مونس الہٰی سمیت دیگر افراد کے خلاف تحقیقات کرنے والی جے آئی ٹی کے سربراہ کو طلب کیا اور کہا کہ مونس الہٰی کے ریڈ نوٹسز اور ان کی بیرون ملک سے گرفتاری کے حوالے سے معاملہ خود دیکھے۔ عدالت نے حکم دیا کہ جے آئی ٹی سربراہ اس معاملے کا تعاقب کرے تاکہ مونس الہٰی کی گرفتاری کے بارے میں تفصیلات فراہم کی جا سکیں۔عدالت نے مزید حکم دیا کہ پرویز الہٰی آئندہ سماعت پر ذاتی حیثیت میں پیش ہوں۔ پراسیکیوٹر نے عدالت میں اس بات کی وضاحت کی کہ پرویز الہٰی تشویشناک بیماری کا شکار نہیں ہیں اور وہ مختلف تقریبات میں شرکت کر رہے ہیں، جس سے یہ واضح ہوا کہ وہ عدالت میں پیش ہونے سے گریز کر رہے ہیں۔عدالت نے اس معاملے کی مزید سماعت 28 نومبر کو مقرر کی ہے اور اس سے متعلق تحریری حکم جاری کر دیا ہے۔ جج تنویر احمد شیخ نے اس کیس کی سماعت کی اور اس فیصلے کی بنیاد پر کارروائی شروع کی۔
