وینزویلا میں آنے والے تباہ کن زلزلوں کے نتیجے میں ہلاکتوں کی تعداد بڑھ کر 4,890 ہو گئی ہے، جبکہ امدادی ٹیمیں متاثرہ علاقوں میں ملبے تلے دبے افراد کی تلاش میں مصروف ہیں۔
میڈیا رپورٹس کے مطابق سب سے زیادہ متاثرہ علاقوں میں سرچ اینڈ ریسکیو آپریشن چوبیس گھنٹے جاری ہے، تاہم انفراسٹرکچر اور سڑکوں کی بڑے پیمانے پر تباہی کے باعث امدادی سرگرمیوں کو شدید مشکلات کا سامنا ہے۔حکام کے مطابق ہزاروں زخمیوں کو طبی امداد فراہم کی جا رہی ہے، جبکہ اپنے گھر کھونے والے متاثرین کے لیے عارضی پناہ گاہیں بھی قائم کر دی گئی ہیں۔دوسری جانب متعدد ممالک اور بین الاقوامی امدادی تنظیموں نے وینزویلا کے لیے امدادی سامان اور ریسکیو معاونت روانہ کرنا شروع کر دی ہے تاکہ متاثرہ افراد کی فوری مدد کی جا سکے۔حکام کا کہنا ہے کہ یہ حالیہ برسوں میں وینزویلا میں آنے والی بدترین قدرتی آفات میں سے ایک ہے، جس کے باعث بڑے پیمانے پر جانی و مالی نقصان ہوا ہے۔امدادی کارروائیاں تاحال جاری ہیں اور حکام نے خبردار کیا ہے کہ ملبے کی مکمل چھان بین کے بعد ہلاکتوں کی تعداد میں مزید اضافہ ہو سکتا ہے۔
