موٹروے پربس کو آگ لگ گئی

بس کراچی جارہی تھی ،آگ ٹائرلیدرزمیں لگی ، پٹرولنگ افسران نے آلات کی مدد سے فوری طور پر آگ کو بجھایا
لاہور(کرائم رپورٹر)موٹروے پولیس ایم 5نے فرض شناسی اور بہادری کی مثال قائم کردی،مسافر بس ٹائر لیدرز میں لگی آگ کو بجھا کر مسافروں کو بچا لیا۔ترجمان موٹروے پولیس کیمطابق مسافر بس ہارون آباد سے کراچی جارہی تھی، گدو مووی پوائنٹ پر پٹرولنگ افسر باسط علی نے بس کے نیچے لگی آگ کو دیکھا،پٹرولنگ افسران نے آگ بجھانے والے آلات کی مدد سے فوری طور پر آگ کو بجھا دیا۔مسافروں اور بس عملے نے موٹروے پولیس کی فرض شناسی کو قابل فخر قرار دیا۔ایڈیشنل آئی جی علی احمد صابر کیانی اور ڈی آئی جی دار علی خٹک نے پٹرولنگ افسران کو سراہا ہے۔