حکومت نے عوام کے لیے ایک اور خوشخبری سنا دی ہے اور پیٹرولیم مصنوعات کی قیمتوں میں نمایاں کمی کا اعلان کیا ہے۔
ڈیزل کی قیمت میں کمی کے بعد اب مٹی کا تیل بھی 12.32 روپے فی لیٹر سستا کر دیا گیا ہے۔پیٹرولیم ڈویژن کی جانب سے جاری اعلامیے کے مطابق ہائی اسپیڈ ڈیزل کی قیمت 14 روپے فی لیٹر کم کر کے 265.65 روپے فی لیٹر مقرر کی گئی ہے، جبکہ مٹی کے تیل کی قیمت میں 12.32 روپے کی کمی کے بعد یہ 180.54 روپے فی لیٹر ہو گئی ہے۔ پیٹرول کی قیمت 263.45 روپے فی لیٹر برقرار رہے گی۔اعلامیے میں کہا گیا ہے کہ نئی قیمتیں آج سے فوری طور پر نافذ العمل ہیں اور آئندہ پندرہ روز کے لیے لاگو رہیں گی۔ حکومت کا کہنا ہے کہ اس اقدام کا مقصد عوام پر توانائی کے اخراجات کا بوجھ کم کرنا اور روزمرہ ضروریات کی قیمتوں میں استحکام لانا ہے۔تاجر اور پیٹرول پمپ مالکان کو بھی ہدایت کی گئی ہے کہ وہ نئی قیمتوں کے مطابق فوری فروخت یقینی بنائیں اور کسی قسم کی زیادتی یا غیر قانونی وصولی کی اجازت نہ دی جائے۔ماہرین کے مطابق اس کمی سے عوام کو ماہانہ بجٹ میں خاطر خواہ ریلیف ملے گا اور خاص طور پر مٹی کے تیل پر انحصار کرنے والے صارفین کو براہِ راست فائدہ ہوگا۔
