پاکستان میں تعینات آسٹریلوی ہائی کمشنر نیل ہاکنز نے خیبرپختونخوا اور سوات میں شدید سیلاب کی تباہ کاریوں پر گہرا افسوس ظاہر کیا ہے۔
ہائی کمشنر نیل ہاکنز نے کہا کہ اس مشکل وقت میں آسٹریلیا اپنے پاکستانی دوستوں کے ساتھ یکجہتی سے کھڑا ہے۔ انہوں نے تباہ کن سیلاب کے نتیجے میں ہونے والے انسانی نقصان پر گہری تشویش کا اظہار کیا اور بتایا کہ 200 سے زائد افراد اپنی جانوں سے ہاتھ دھو بیٹھے، جبکہ ریسکیو اہلکار بھی ہیلی کاپٹر حادثے میں جان کی بازی ہار گئے۔انہوں نے مزید کہا کہ آسٹریلیا کی ہمدردیاں اور دعائیں تمام سیلاب متاثرین اور ان کے اہل خانہ کے ساتھ ہیں، اور وہ اس مشکل گھڑی میں پاکستان کے ساتھ کھڑا ہے۔ہائی کمشنر کے اس بیان سے ظاہر ہوتا ہے کہ بین الاقوامی برادری پاکستان کے ساتھ ہمدردی اور تعاون کے جذبے کے ساتھ کھڑی ہے، خاص طور پر ان متاثرین کی مدد میں جو سیلاب کے باعث شدید نقصان کا شکار ہوئے ہیں۔
