فیصل آباد کے علاقے سمندری کے نواحی گاؤں میں مبینہ پولیس مقابلے کے دوران دو ملزمان ہلاک ہو گئے۔
پولیس کے مطابق ہلاک ہونے والے افراد اپنے ہی ساتھیوں کی فائرنگ کی زد میں آ گئے، جس کے نتیجے میں وہ موقع پر ہی دم توڑ گئے۔پولیس کا کہنا ہے کہ واقعے میں ہلاک ہونے والے افراد پر سنگین نوعیت کے الزامات تھے اور وہ ایک مبینہ واردات کے بعد فرار ہو رہے تھے۔ تاہم واقعے کی تمام پہلوؤں سے تحقیقات جاری ہیں۔حکام کے مطابق دونوں ملزمان کی لاشیں اسپتال منتقل کر دی گئی ہیں جہاں ضروری قانونی کارروائی مکمل کی جا رہی ہے۔پولیس نے مزید بتایا کہ واقعے میں ملوث دیگر مبینہ ساتھیوں کی تلاش کے لیے چھاپے مارے جا رہے ہیں اور علاقے میں سیکیورٹی سخت کر دی گئی ہے۔
