ویب ڈیسک: لاہور میں سی سی ڈی (کرائم کنٹرول ڈپارٹمنٹ) کے ماڈل کا ایک اور مبینہ پولیس مقابلہ ہوا، جس میں فائرنگ کی زد میں آکر ایک ملزم ہلاک ہوگیا۔
واقعے کی تفصیلات
مبینہ پولیس مقابلہ ایل ڈی اے سٹی کے قریب پیش آیا۔ہلاک ہونے والے ملزم کی شناخت عبدالمطیب کے نام سے ہوئی۔سی سی ڈی ذرائع کے مطابق ملزم اپنے ہی ساتھیوں کی فائرنگ کا نشانہ بنا۔
ممکنہ تعلق چوہنگ گینگ ریپ کیس سے
ہلاک ملزم کے بارے میں شبہ ہے کہ وہ چوہنگ گینگ ریپ کیس کا چوتھا ملزم ہوسکتا ہے۔پولیس نے ملزم کا کریمنل ڈیٹا اکٹھا کرنے کا عمل شروع کر دیا ہے تاکہ اس کے پس منظر اور جرائم کی تفصیلات سامنے لائی جا سکیں۔
