تھائی لینڈ کے دارالحکومت بینکاک کے قریب راما 2 روڈ کے ایلیویٹڈ ایکسپریس وے منصوبے پر جمعرات کی صبح تقریباً 9 بجے ایک تعمیراتی کرین گرنے سے کم از کم ایک شخص ہلاک ہو گیا۔
حادثہ ساموت ساکھون صوبے میں پیش آیا، کرین گرنے سے دو گاڑیاں ملبے تلے دب گئیں۔ریسکیو ٹیموں نے فوری طور پر امدادی کارروائیاں شروع کر دیں۔سرکاری طور پر ہلاکتوں کی مکمل تصدیق نہیں ہوئی، مگر فائر اینڈ ریسکیو تھائی لینڈ کے مطابق کم از کم ایک شخص جاں بحق ہوا۔یہ واقعہ اس وقت پیش آیا جب ایک دن قبل شمال مشرقی صوبے ناکھون راتچاسیما میں ایک کرین گرنے سے مسافر ٹرین تباہ ہوئی، جس میں 32 افراد ہلاک ہوئے اور 171 مسافروں میں سے تین کے بارے میں تحقیقات جاری ہیں۔
گرنے والی کرین لانچنگ گینٹری کرین تھی، جو بلند سڑکوں کی تعمیر میں استعمال ہوتی ہے۔پولیس دونوں حادثات کی تحقیقات کر رہی ہے، اور تاحال کسی کمپنی کے خلاف مقدمہ درج نہیں کیا گیا۔راما 2 روڈ منصوبہ ماضی میں بھی متعدد مہلک تعمیراتی حادثات کا شکار رہا ہے، جس سے عوامی تحفظات میں اضافہ ہوا ہے۔
