تھائی لینڈ کے صوبے چیانگ مائی میں واقع نجی جانوروں کے پارک ٹائیگر کنگڈم میں مہلک وائرس اور بیکٹیریا کے باعث چند ہفتوں میں 72 شیرِ ٹائیگر ہلاک ہو گئے۔
مقامی حکام کے مطابق ہلاک شدہ ٹائیگرز کے ٹیسٹ رپورٹ میں کینائن ڈسٹیمپر وائرس کے ساتھ ایسے بیکٹیریا بھی پائے گئے جو سانس کے نظام کو شدید متاثر کرتے ہیں۔قومی محکمۂ لائیو اسٹاک کے ڈائریکٹر کا کہنا ہے کہ ٹائیگرز میں بیماری کی ابتدائی علامات کا پتہ لگانا مشکل ہوتا ہے، اور جب تک صورتحال کا اندازہ ہوا، تب تک بہت دیر ہو چکی تھی۔پارک انتظامیہ سے اس واقعے پر فوری مؤقف حاصل نہیں ہو سکا، اور مقامی ماہرین اس بات پر زور دے رہے ہیں کہ جنگلی اور قید میں پائے جانے والے جانوروں کے لیے بروقت صحت کے اقدامات لازمی ہیں تاکہ ایسے المناک حادثات سے بچا جا سکے۔
