گلگت بلتستان اسمبلی کے عام انتخابات کا شیڈول جاری کردیا گیا ہے۔
میڈیا رپورٹ کے مطابق، امیدوار کاغذات نامزدگی 16 اپریل سے 20 اپریل کے دوران جمع کرا سکتے ہیں۔کاغذات نامزدگی کی جانچ پڑتال 21 سے 28 اپریل کے درمیان ہوگی۔امیدواروں کے ناموں کی فہرست 21 اپریل کو جاری کی جائے گی۔ریٹرننگ افسروں کے فیصلوں کے خلاف اپیل دائر کرنے کے لیے 2 مئی کی تاریخ مقرر ہے، اور ایپلیٹ ٹربیونلز 9 مئی کو اپیلوں کا فیصلہ کریں گے۔نظر ثانی شدہ فہرست 10 مئی کو جاری کی جائے گی، اور امیدواروں کو انتخابی نشانات 12 مئی کو الاٹ کیے جائیں گے۔سب سے اہم بات یہ ہے کہ گلگت بلتستان کے تمام حلقوں میں پولنگ 7 جون کو ہوگی۔
