کراچی: ڈسٹرکٹ اینڈ سیشن عدالت جنوبی نے منشیات برآمدگی کے مقدمے میں ملزمہ انمول عرف پنکی اور دیگر ملزمان پر فردِ جرم عائد کرنے کے لیے 29 اکتوبر کی تاریخ مقرر کردی۔
سماعت کے دوران جیل حکام نے ملزمہ انمول عرف پنکی کو عدالت میں پیش نہیں کیا، جبکہ شریک ملزم کامران عدالت میں حاضر ہوا۔عدالت نے ملزمہ کو پیش نہ کیے جانے پر برہمی کا اظہار کرتے ہوئے انمول عرف پنکی کے پروڈکشن آرڈر جاری کردیے اور آئندہ سماعت پر اسے عدالت میں پیش کرنے کا حکم دیا۔واضح رہے کہ ملزمہ انمول عرف پنکی اور کامران کے خلاف درخشاں تھانے میں منشیات برآمدگی کا مقدمہ درج ہے۔
